Ni Bebot Song

Ang sitwasyon sang aton trapiko subong makabig naton maayo-ayo na. Ini tanan natigayon tungod sang maid-id kag wala untat nga pag-patigayon sang aton mapisan kag masaligan nga traffic in-charge, si Vice Mayor Thaddy Sayson, ang chairman. Kon sang nagliligad medyo nagisi ang iya bulsa sang hala ka kuot para idisponer sa mga masi-ling naton gulogagmay nga galastuhan nga kinahang-lanon sang aton trapiko, magagmay lang pero masu-pot.

Sang mga nagliligad lang nga inadlaw indi lang kay nagisi kundi nagkalagusnit na gid ang iya bulsa kay daw halos personal niya nga ginsabat ang iban pa gid nga kina-hanglanon namon sa traffic. Salamat gid, Vice Ganda ha, Vice Mayor Thaddy kay medyo ginpahagan-hagan mo ang problema ko sa balayran pag 2 repair sang akon kabayo nga aton gid kinahanglanon sa subong nga mga tinion.

Ang daku naton nga pag-tamud sa problema trapiko sa nasiling ko na sang mga nagliligad pa, ang kasulbaran sini wala lang nasandig sa ikasangkol kag ikasarang sang amon talatapan, ang BTAO, kundi mas kinahanglanon ang daku nga pagtamud sang aton pumuluyo. Updan naton sang daku nga paghangup sa aton mga paino-ino nga kon kaisa kita man ang salawayon.

Sa nasiling ko na, gusto man kita sang masulhay, matawhay kag may husto nga kahimusan ang aton trapiko, pero indi man kita luyag mag paidalom sa mga pagsulundan nga ginapatuman sang kasu-guan sini. Kon kaisa kita man ang kabangdanan sang pag ginutok sang aton mga da-lanon. Masami naga reklamo kita nga peligroso sa mga estudyante naton ang sitwas-yon sang aton mga pedestrian lane kay gina parkingan.

Ti, kundi wala na husto nga espasyo ang ginatabukan sang aton mga kabataan. Indi sila makatabuk sang husto kag segurado nga alagyan kay ang bag-o kag guapo nga salakyan ni Mommy kag Daddy yara gid nagabarakang sa pedestrian lane. Ukon indi gani, ibilin nga daw sila ang tag-iya sang dalan. Ti, husto bala ini? Tungod sini nga sistema, ano pa ang ginapa-abot nyo nga katawhayan kag kahimusan sang aton trapiko?

Kadto bala kamo sa Cebu. Sadto kon makasala gani, ang masami naton ginasiling daw sa odong kag sa pagka Cebuano gid sa imo. Ti, karon sin-o mas odong kag Cebua-no, kay mga Cebuano mas kitaon ya maggwa sa batas trapiko. Nahuya sila akigan ukon sawayon sang traffic law enforcer. Diri ya sa Bacolod ang gina akigan di ya sang mga manggaran ang mga naga patuman sang kasuguan. Hala kamo da. Sigeha nyo gid. Medyo magbulubatyag man kita sang diutay nga kahuya sa aton mga kaugalingon kag diutay man nga respeto sa mga nagapatuman sang mga ka-suguan. Indi man malipod nga sa amon nga bahin, may pila man sa amon nga medyo masiling naton may pagkasa-lawayon. Sa naga kutso-kutso bala nga ang trapiko sa Bacolod wala pulos kag naga-lala pa gid nga naga-lala, indi man patam-i imo lugar, tuman na ina nga pamulitika..

Sa amigo ko nga nagbuya-yaw sa akon kag nagsinggit kag ginpadulog ko kay pula na ang suga ga "go" ka pa, ang akon man lang Mr. M kay tama sa imo ka poderoso, kanami sa imo magmulay sa amon kay lain man ang imo tinutuyo. Ti, karon Mr. M ano ang masiling sa imo kay kadamo sang tawo ang nag "boo" sa imo kay athagon nga nag beating the red light ka?

Ti, kundi ang guwa mo daw sa tarso ka nga tawo. Kun sa English pa, `you get a dose of your own medicine.’ hehe.

Ti, ano sa inyo mga madlang people, ano bala ang katuyuan sining mga naga guba sa aton siyudad? Kay tungod wala sila sang may maayo nga kaisipan kundi mangguba. Hala, may karma bala nga nagahulat sa inyo. Sang nagligad nga Congressional Forum nga gin-patigayon sa Colegio San Agustin, indi hamak nga mga pamangkot ang ginhaboy sang mga nanari-sari nga mga katawhan nahanungod sa ila nga mga plataforma de gobyerno. Kag kon ano ang ila mga plano kon pananglitan hatagan sila sang kahigayunan nga amo ang magdala sang renda panggobyerno. Ay, abaw Toting, bisan gali abogado ka kag amo sadto kabudlay nga mga pala-mangkutanon ang ibato sa imo kag indi ka handa, kag wala gid sa imo nga paino-ino nga dapat mo kuntani buhaton kon pananglitan ikaw na ang maga gahum. Ay, abaw Toting, pila sa ila ang wala gid unod kag sabor ang panabat. Pero may ato didto isa ka isganan nga lalaki, indi abogado pero matanlas ang mga pagpang-ino-ino; matanlas ang paminsaron kag sigurado sa iya mga panabat sa ginhaboy nga mga palamangkutanon. Pakta nyo abi kon sin-o ini nga tinuga nga daw isa ka angkilan nga hangaway. Duha man lang na di sa ila ang indi abogado, galing ang isa ginhilanat. Grabe gid man subong ang kainit sag panahon, tighilanat man gid subong...*