Ni Ramie E. Catalan Jr.
Programmer DYVS 1233 Khz.
Pangamuyo sa Kagab-ihon" 10PM
Kahigayunan sa Pagpili

Sa nagainit karon nga pulitika kag kampanya para sa eleksyon sa Mayo 2010, wala ako sing labing daku nga handum kUndi kita nga mga Pilipino makapili sing pinaka-maayo nga mga tawo nga mabutang sa mga pwesto nga mamuno sa aton gob-yerno. Yari kita karon sa kritikal nga panahon nga kinahanglan makahimo kita sang maala-mon kag makahas nga desisyon nga masulosyunan ang problema sang aton pungsod. Ano bala ang problema sang aton pungsod? Ang problema nga indi makauswag ang aton ekonomiya kag madula ang kapigaduhon nga nagahugakom sa aton sa madugay na nga panahon. Ang kabangdanan, sa nahauna indi ang kurapsyon, indi ang inhustisya, indi ang kawala sang peace and order sa Mindanao, indi ang kawala sang dynamic leadership, kag iban pa, kondi madalum pa dira ang kabangdanan. Sa tagsa ka eleksyon daw katulad kita sang isa ka tawo nga nagahimulat nga taktakon ang makahililo nga mga bunga sang kahoy, apang ang kahoy padayon nga nagapamunga sang hilo bangod kay wala matapas kag mapatay ang puno. Ang gamut sang aton problema indi pisikal, sosyal, ukon materyal, kondi espiritwal. Ang gamut yara sa sulod sang tagipusuon. Ang Bibliya nagasiling nga ang tagipusuon sang tawo "malimbungon labaw sa tanan nga butang, kag lakas gid kadunot..." (Jeremias 17:9) Si Kristo man nagsiling: "Kay gikan sa sulod, gikan sa tagipusuon sang tawo, nagaguwa ang malaut nga mga panghunahuna, pagpa-kig-hilawas, pagpangawat, pagpatay, panglahi, kaibog, kalautan, kaulag, limbong, kahisa, pasipala, palabilabi, kabuangan.

Tanan ining malaut nga butang nagagikan sa sulod kag nagadagta sang tawo" (Markos 7:21-23). Amo yana nga ang Dios nagahingyo sa aton: "Anak ko, sa akon ang imo tagipusuon, kag magkali-pay ang imo mga mata sa akon dalanon." (Hulubaton 23:26)

Nagapati ako nga ang daku nga baha sang Ondoy kag Pepeng, nga naglanas sang malapad nga pananum, kag nagdala sang bilyones pesos nga kalaglagan sa Luzon, kag ang malawig kag masingkal sa karon nga El Niño nga magdala liwat sang daku nga kahalitan sa panguma sa bug-os nga Pilipinas, gintugot sang Dios, kag aktwal nga instru-mento sa panimalus sa sala sang Pilipinas.

Ang Dios maayo gid nga Diyos. Maloloy-on. Mapailu-bon. Apang Hustisya man Sia, kag ang Iya hustisya ginapa-tupa Niya sa nagapa-bungol sa sala nga mga tawo.

Sa karon naga panawagan Sia nga magbalik-buot kita sa Iya. Siling Niya: "Kon ang akon katawohan nga ginata-wag sa akon ngalan magpau-bos sang ila kau-galingon, kag magpanga-muyo kag magpa-ngita sang akon nawong, kag magtalikod gikan sa ila malaut nga mga dalanon, niyan magapamati ako kutob sa langit, kag magapatawad sang ila sala kag mangayo sang ila duta" (2 Kronika 7:14).

Ano bala ang kaangtanan sini nga panawagan sa aton eleksyon sa Mayo 2010? Ang Dios nagahatag sa aton sang kahigayunan sa pagpili sang tawo nga Iya magamit sa pagdumala sang Pilipinas, ang pungsod nga "Kristyano sa Asya," sa pagbalik-buot sa Iya.

Kag sa aton nga presiden-tiables, ang amo nga tawo makita sa persona ni Bro. Eddie

Villanueva. Si David sang maghari sa Israel wala sang eksperyensya sa pagdumala, apang sia amo ang nauyonan sang Dios. Si David isa lamang ka manug bantay sang karnero (1 Ismael 16:11). Apang ang iya pagtoo kag katutom sa Dios daku kaayo, sa bagay nga ginkilala sia nga "lalaki sono sa iya (Dios) tagipusuon" (1 Sam. 13:14).

Ang daku nga pamag-on nga ginhimo ni David sa pagdumala sa Israel amo ang pagpalig-on sang iya katawohan sa ila pagtoo, kag sa pagbutang sang diosnon nga mga tawo sa mga opisina sang gobyerno (I Kronika 15 and 16) Si David amo ang naglutos sa higante (Goliath) nga kaaway sang Israel (I Sam. 17:50), kag naghug-pong sang Israel subong nga nasyon. Si David nag-alagad sa iya katawohan kag panahon sunu sa kabubut-on sang Dios (Binuhatan 13:46).

Amo ini ang nakita ko kay Bro. Eddie kon sia ang mapilian nga presidente sang Pilipinas. Sa iya nakita ko ang paglaum sang Pilipinas. Ginapangamuyo ko nga sia ang mapilian sa eleksyon sa Mayo 10, 2010. Nagahandum kita sang ma-ayong pungsod kag maayong panggobyerno. Si Bro. Eddie ang makadala sa aton sa kauswagan.

"Kon magdugang ang matarung, naga-kalipay ang katawohan, apang kon magga-hum ang malaut nga tawo, ang katawohan nagapanghayhay" (Hulubaton 29:2). Kag "Sa pagpakamaayo sang matadlong ang banwa ginapakataas..." (Hulubaton 11:11). Sa sini nga eleksyon 2010, ang Dios nagahatag sa aton sang kahiga-yunan sa pagpili, kahigayunan nga indi naton dapat palam-pason. Siling sang Dios: "Yari karon, ginabu-tang ko sa atubangan ninyo sini nga adlaw ang pagkamaayo kag pagkama-laut.

Ang pagkamaayo kon mag-pamati kamo sa mga sogo sang Ginuo nga inyo Dios...kag ang pagpakamalaut, kon indi kamo magpamati..." (Deuteronomio 11:27-28). "Banwang Pilipinas magbugtaw na ikaw.

Mag-untat pagdamgo kag mga paghandu-raw. Buksi’ng mga mata mo di ka magkatalaw.