Ni Bebot Song

Palihog sin-o na ang PR man ni Sen. Enrile man? Daw wala man malubad ang problema sang kinawatay ka load sang mga Communication Company ginabandera na sa iya mga ads nga si Manong Juan nagpatigayon sang isa ka hagna agud matapna ang kinawatay sang load pero tubtob subong daw ningas cogon gid lang.

Kay hasta subong sige man gihapon ang kinawatay sang load. Nag-ilis na ko SIM card Talk & Text to Buddy. Ang P120.00 nga load pagkahapon kinawat naman. Ika apat na ni nga SIM.

Sa mga kalan-an naman, abi namon ang tubig nga gina inom namon halin sa dispenser sang mineral water, kay gali refill halin sa deepwell. Gina reklamo ko ini kay ako mismo ang biktima. Samtang ginsulat ko ini nga column ari ako sa Doctor’s Hospital naglanding kay tungod duha gid ka baso ang akon gin-inom nga may mikrobyo halin sa inyo tubig. Gina tandog naton ang igtalupangod sang aton City Health officials. Palihog check nyo kag ipasiguro sa ila nga ang dispenser mineral water ang unod kag indi halin sa bomba o deepwell! Salamat!!! Salamat gid sa maayo kag mapisan nga pag asister sang aton masaligan nga mga student nurse interns sang CSA-B.

Efficient kag katutum gid sa ila sa pag-atipan sang ila mga pasyente. Sa Dean sang CSA College of Nursing, congratulations! Keep up the good work! Miss Posadas, indi anay mamana ha! Mag nurse ka anay! Sa akon doktor sa heart, pulmon, kag basta sa ikaayong lawas basta kay Doctor Anthony Gebusion kay, madasig ang pag ayo mo. Sa staff sang Station 4 salamat kay kanami sa inyo mag serbisyo. Sa kay Rhendy T. Soriba sang Doctor’s Hospital Orderly Division ang akon pagpanginbulahan sa imo! Dapat e promote ka sang talatapan sang hospital kay luwas nga mapisan ka, tuman gid nga mabinuligon ka.

Sir George kag mam Teresita Abueg, e promote nyo man si Rhendy T. Soriba. He is an asset to your hospital. Ang hospital bill ko sagot sang NOCGEM. Thank you, Ardis J. and NOCGEM officers! CONGRATULATIONS! Maria Joseph, ang mga drayber sa Bacolod bisan anhon nga disiplina wala gid katadlungan. Nakahibalo sila nga wala kami sang Temporary Operator’s Permit nga idakup sa ila. Gina gusnit lang ang amon resibo nga citation ticket! Gina kadlawan kag ginapawala-an. Ano pa, daw balewala lang sa ila kon dakpun kag citation ticket lang ang ihatag sa ila. Ano pa, daw sa mga kaladlawan ang gwa namun nga traffic law enforcers. Ang masami kag delikado nga sitwasyon amo ang pagdinaguso kag pagpa-kuyampad sang mga salakyan pribado man ukon pampubliko bisan madamo na sang kabataan nga naga tinabuk sa pedestrian lane, sige pa gihapun ang padalagan bisan ang traffic light STOP na! Gapula na ang suga, ga GO pa gihapon ang drayber. Wala ni sila kahibalo nga kon masalapay nila ang kabataan nga yara sa pedestrian lane, daku gid ang ila problema. Amo ni kon kis-a ginasinggit na lang namun ang amon mga makit-an nga bayolasyon nga ginahimo sang aton mga drayber. Ang reckless driving ila gina obserbar. Kon salawayon ang drayber mas pa gid ang mga pasahero kay tungod kon wala sang pasahero nga nagatindog kag nagabantay sa mga intersection, indi man magdulog ang drayber. Paano magdulog ang mga drayber sa loading and unloading area, kay wala didto ang mga pasahero kundi yara sa mga intersection?

Naga gutok, naga traffic man kay mismo ang mga estudyante sang LCC Tourism kag HRM upod sa pila ka mga high school students indi kahibalo magtabok! Bisan green light naga text pa gihapon nga naga tabok. Kon kaisa gina dulugan lang sang mga salakyan. Amo man sa pagpanaug kag pagsakay, indi kahibalo magbalasa. Indi ka tultol sang jeepney stop ukon loading and unloading area. Amo man ang mga pribado nga salakyan wala kinala-in sa mga pampasahero, sa pagkasalawayon indi man magliko sa tu-o pero matinir sa tu-o. Ginabusinahan na indi man gihapun maghalin. Kon aton tan-awon kag paminsaron sang husto, halos tanan nga motorista maluyag sang matawhay nga pagpanakayon pero indi maluyag magdisiplina sang iya kaugalingon! Ang tanan maluyag mag-una indi kahibalo maghulat! ISIRA nyo bala ang inyo mga mata kag paminsaron ang senaryo nga ang tanan nga salakyan nagapalumba sa pag-una lakat, kay makita nyo kon ano ang matabu sa aton mga dalanon. Ang parti sa nagligad nga suhestiyon ko kon paano makahimo sang kaugalingon nga TOP ang syudad, siguro maayo nga e-cite sa LTO National Office ang husto nga kahimtangan kag husto nga pagsinalayo sang LTO kag BTAO dire sa siyudad sang Bacolod. Ti nga-a nga ang LTO local madamu man sang TOP ang ila Department Agent? Nga-a kami nga taga BTAO nga amo ang lihitimo kag may opisina sang traffic authority daw amo pa ang naga gwa nga wala otoridad pag-abut sa trapiko. Ti, ano ang pulos sang ginatawag nga Bacolod Traffic Authority Office? Naga dugang ang problema ni Vice Mayor Thaddy kon paano malubad ini nga problema. Sang nagligad nahaw-as ang iya kaugalingon nga bulsa para lang may mabulos para bisan paano maka dakang-dakang ang BTAO.

Ang amon kahimtangan daw mga army sa lasang nga naga uniporme pero wala sang pusil nga may bala ukon may bala man wala man pusil! Kahalam-utan. Ha! Ha! Ha!

HE! HE! HE! Ambot da sa inyo! TAPUS, basulon nyo kami! Kon indi namon nadisiplina ining mga salawayon nga drayber, abi ang mga nagasagay reklamo hilabi na sa mga kritiko nga wala sang nahibal-an nga kaayuhan kundi ang mag pangguba!

Sa parehas nyo, abi kamo patunga kag magpahapit sa mga salawayon!

Total sagad man kamo magkomento! Kamo abi bulig magbantay kag magpa-tawahay sang dalan. BULIG KAMO PANGDAKUP....*